नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीको बैठकस्थलमै प्रहरीले धावा बोलेको खबर छ ।
दाङमा सो पार्टीको बैठक बसिरहेकै ठाउँमा प्रहरी प्रवेश गरेर महासचिव विप्लवकै सहाेदर दाइ एवं सो पार्टीका केन्द्रीय सदस्य चन्द्रबहादुर चन्द ‘वीरजंंग’ सहित २१ नेता–कार्यकर्तालाई पक्राउ गरेको छ । राजपुर– ४, मुंग्रेटाखोला, दाङमा नेपाल कम्युनिस्ट पार्टीको राप्ती ब्युरोको बैठक बसिरहेका बेला बुधबार राति अर्थात बिहीबार बिहानको १ बजे नै पुगेको प्रहरीले उनीहरुलाई पक्राउ गरेको हो ।
बैठकस्थल नै कब्जा गरेर प्रहरीले नेता वीरजंंगसहित सो पार्टीका राप्ती ब्युरो इन्चार्ज केशवबहादुर बाठा ‘सुवास’, दाङ जिल्ला इन्चार्ज सविन पोखरेलसहित २१ जनालाई पक्राउ गरेको हो । पक्राउ पर्नेहरुमध्ये अधिकांश ब्युरो तहका नेता रहेको सो पार्टीसम्बद्ध स्रोतले न्युजकोसेलीलाई जानकारी दिएको छ ।
पक्राउ पर्नेहरूकाे नामावली यसप्रकार छ–
१) चन्द्रबहादुर चन्द ‘वीरजंग’ – केन्द्रीय सदस्य तथा लुम्बिनी ब्यरो इन्चार्ज एवम् मध्यपश्चिम कमान्ड इन्चार्ज
२) केशवबहादुर बाँठा मगर ‘सुवास’ – राप्ती ब्युरो इन्चार्ज
३) रामबहादुर थापा ‘सुन्दर’ – राप्ती ब्युरो एवं न्याय विभाग समितिका जिल्ला संयोजक
४) सविन पोख्रेल – राप्ती ब्युरो कार्यालय सचिव
५) यमलाल कटुवाल ‘विक्रम’ – जिल्ला इन्चार्ज
६) प्रदीप वली – जिल्ला सेक्रेटरी
७) बविन केसी ‘पाटन, जंगली’ – युवा संगठन नेपालका केन्दीय अध्यक्ष
८) सुनिल पौडेल – बुद्धिजीवी
९) एकराज चौधरी – एरिया नम्बर ४ का इन्चार्ज एवं जिल्ला जनपरिषद् सदस्य
१०) धनबहादुर बोहोरा ‘महान’ – एरिया नम्बर १ का इन्चार्ज एवम् राजपुर गापा सेक्रेटरी
११) तिलक पुन – पूर्वजनमुक्ति सेना
१२) सुरज विक – दलित राष्ट्रिय मुक्ति मोर्चाका जिल्ला अध्यक्ष
१३) हितप्रसाद रोका – पार्टी सदस्य
१४) पोस्टमान घर्ती – रोल्पा जिल्ला सदस्य
१५) दलबहादुर खत्री
१६) अमित घर्ती मगर
१७) बालकृष्ण शर्मा
१८) जीत क्षेत्री
१९) रमेश आचार्य
२०) विष्णु थापा
२१) कुलबहादुर ओली
