थाक्रे गाउँपालिका, धादिङका जनप्रतिनिधि, विद्यालयका शिक्षक, स्वास्थ्यकर्मी, समाजसेवी, स्थानीय राजनीतिक दलका प्रतिनिधिलगायतका लागि मनोसामाजिक समस्याबारे एकदिने अभिमुखीकरण तालिम सम्पन्न भएको छ ।
‘मानसिक एवं मनोसामाजिक सुस्वास्थ्यका लागि राष्ट्रिय अभियान नेपाल’ नामक संस्थाको प्राविधिक सहयोग र थाक्रे गाउँपालिकाको आयोजनामा सम्पन्न अभिमुखीकरण तालिमको सहजीकरण मनोविद गोपाल ढकालले गरेका थिए । यस कार्यक्रमकै सन्दर्भमा दस वर्षभन्दा लामो समयदेखि सडकमा बस्दै आएका जनक नामका मनोरोगीको उद्धार समेत गरिएको छ ।
अभियान तथा गाउँपालिकाको पहलमा उद्धार गरिएका उनलाई हाल मनोरोग उपचार तथा पुनर्स्थापना केन्द्रमा राखिएको छ । कार्यक्रममा बोल्दै गाउँपालिकाका अध्यक्ष रामकुमार आचार्यले आफ्नो ठाउँलाई सडकमानवमुक्त बनाउने उदघोष गरे । गाउँपालिका उपाध्यक्ष अम्बिका रुपाखेतीले कार्यक्रममा मन्तव्य राख्दै जनकलाई उद्धार गर्ने लामो समयदेखिको आफ्नो योजना सफल भएको भन्दै खुशी व्यक्त गरिन् ।
