प्रतिनिधिसभा सदस्यका लागि उपचुनाव भैरहेको कास्की– २ का ४ मदतानस्थल नजिकै शनिबार दिउँसाे बम विस्फोट भएका छन् । पोखरा महानगरपालिका– १६ को दीपचण्डिका मतदानस्थल नजिकै शनिबार दिउँसो बम विस्फोट भएको छ । यसअघि पनि सोही निर्वाचन क्षेत्र अन्तर्गतका ३ मतदानस्थलमा बम विस्फोट भए ।
पोखरा– ३३, भरतपोखरीस्थित शान्तिउदय मावि, नयाँबजारको नवप्रभात मावि र पोखरा– १६ मै अवस्थित शान्ति माविको मतदानस्थल नजिक बम विस्फोट भएको हो । चारै विस्फोटबाट मानवीय क्षति भने भएको छैन । उपचुनावको तयारी सुरू भएयता पोखरामा अज्ञान समूहले निरन्तर बम विस्फोट गराउँदै आइरहेको छ । उम्मेदवारी दर्ताका दिन निर्वाचन कार्यालय नजिक, प्रचारप्रसारको अन्तिम दिन नेकपाको चुनावी सभास्थल नजिक र केही अघि वडाध्यक्षको घरमा बम विस्फोट भएका थिए ।
विष्फोटमा नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीको संलग्नता रहेको सुरक्षा निकाय र सत्ताधारी दलहरुले आशंका गरे तापनि विष्फोटबारे कसैले जिम्मेवारी लिएको छैन ।
