नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीसम्बद्ध युवा सङ्घ बागलुङका सचिव २१ वर्षीय रमेश अविरल भनिने सहल सुनार पक्राउ परेका छन् ।
जिल्ला प्रहरी कार्यालयबाट खटिएका सादा पोशाकका प्रहरीले गलकोटबाट बुधबार सुनारलाई पक्राउ गरेको बागलुङका प्रहरी उपरीक्षक नवराज भट्टले जानकारी दिएका हुन् । सुनारको साथबाट विप्लव नेकपासम्बन्धी पत्र, पोस्टर र पम्प्लेट समेत बरामद गरिएको दावी उनले गरेका छन् ।
प्रहरी उपरीक्षक भट्टले भने– ‘पक्राउ परेका सुनारमाथि अनुसन्धान भइरहेको छ ।’ पक्राउ परेका युवानेता गलकोट नगरपालिका– ४, भयरखर्कका वासिन्दा भएको खबर राससले प्रेषित गरेको छ ।
