गोरु काटेको आरोपमा सूर्योदय नगरपालिका– ९, रम्फोक, इलामबाट प्रहरीले दुई जनालाई पक्राउ गरेको छ । रम्फोककै ३८ वर्षीय निमा तामाङ र ३८ वर्षीय पेमा तामाङ पक्राउ परेका हुन् ।
गाउँमा गोरु काटिरहेको गोप्य सूचना पाएपछि त्यसैका आधारमा फिक्कल प्रहरी चौकीका प्रमुख बस्नेतको नेतृत्वमा खटिएको टोलीले उनीहरूलाई घटनास्थलबाट पक्राउ गरेको थियो । प्रहरी घटनास्थल पुग्दा काटिएको मासु मात्र फेला परेको थियो । गोरु बिरामी भएकाले काट्नु परेको उनीहरुले बताएका छन् ।
उनीहरुमाथि म्याद थप गरी घटनाका सम्बन्धमा अनुसन्धान अघि बढाइने इलाका प्रहरी कार्यालय पशुपतिनगरका प्रमुख रमेश राईले बताएको खबर राससले प्रेषित गरेको छ ।
