ललितपुरको सुनाकोठीबाट मंगलबार ज्ञानेन्द्र शाहीलाई प्रहरीले पक्राउ गरेको छ । लकडाउन उल्लंघन गरेको आरोपमा उनलाई पक्राउ गरिएको प्रहरीले जनाएको छ ।
ज्ञानेन्द्रले कसरी लकडाउन उल्लंघन गरे वा उनका कुन क्रियाकलापका कारण लकडाउन उल्लंघन भयो भन्नेबारे सरकार र प्रहरीले केही खुलाएका छैनन् । तर, लकडाउन उल्लंघन गरेकाले उनलाई नियन्त्रणमा लिइएको ललितपुर प्रहरीले स्वीकार गरेको छ ।
शाहीमाथि अनुसन्धान भइरहेको प्रहरीले जनाएको छ । सरकार, राजनीतिक प्रणाली र नेतृत्वविरूद्ध अनेकौं विवादास्पद गतिविधि गर्दै आइरहेका उनले राहत बाँड्ने नाममा रहस्यमय गतिविधि गरिरहेको भन्दै दिउँसै पक्राउ गर्ने प्रयास गरेको चर्चा चलेकाे थियाे । तर, सरकारले साँझ मात्र उनलाई नियन्त्रणमा लिएको छ ।
