नेपालमा फेरि थप १० जनामा कोरोनाभाइरसको संक्रमण पुष्टि भएको स्वास्थ्य तथा जनसंख्या मन्त्रालयले आइतबारै बिहानै जानकारी गराएको छ । यो संख्यासँगै नेपालमा संक्रमितको संख्या २९१ पुगेको छ ।
मन्त्रालयका सहप्रवक्ता डा. समिरकुमार अधिकारीले बिहान सवा सात बजे प्रेस विज्ञप्ति जारी गर्दै राष्ट्रिय जनस्वास्थ्य प्रयोगशाला काठमाडौंमा भएको परीक्षणबाट नेपालमा थप १० जनामा कोरोना संक्रमण पुष्टि भएको जनाएका हुन् ।
पछिल्ला संक्रमितहरुमा रौतहटको राजपुर नगरपालिका फरहदवा– ९ का १८, ३२, ३६, ३९, ३९, ४२ र ४८ वर्षीय तथा रौतहटको इशनाथ नगरपालिका– ३ र ५ का २८, ३० र ३३ वर्षीय गरी सबै जना पुरुषहरु नै रहेको डा. अधिकारीले जनाएका छन् । उनीहरुको स्वास्थ्य अवस्था सामान्य रहेको र सबै जना स्वास्थ्यकर्मीको सम्पर्कमै रहेको उनले जनाएका छन् ।
