नेपालभित्र कोरोनाभाइरस (कोभिड– १९) बाट संक्रमित हुनेको संख्या ४४४ पुगेको छ । बिहीबार बिहान १७ जना नयाँ संक्रमितकाे पुष्टि भएसँगै यो संख्या पुगेको हो ।
स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीद्वारा बिहीबार बिहान ६ः५० बजे जारी गरिएको विज्ञप्तिमा जनाइएअनुसार बी.पी. कोइराला स्वास्थ्य विज्ञान प्रतिष्ठान, धरान र प्रादेशिक जनस्वास्थ्य प्रयोगशाला, विराटनगरमा गरिएको परीक्षणअनुसार नयाँ १७ जना संक्रमित पुष्टि भएका हुन् ।
