३४४८ पुगे संक्रमित : आइतबार थपिए २१३, निको भए ४६७ (भिडियोसहित)

नेपालमा कोरोनाभाइरस संक्रमितको कूल संख्या ३४४८ पुगेको छ । पछिल्लो २४ घन्टामा थप २१३ जनामा कोभिड– १९ को पुष्टि भएसँगै यो संख्या पुगेको स्वास्थ्य तथा जनसंख्या मन्त्रालयले जनाएको छ ।

मन्त्रालको आइतबारको नियमित मेडिया ब्रिफिङमा प्रवक्ता डा. विकास देवकोटाले दिएको जानकारीअनुसार पछिल्लो २४ घन्टामा २०९ पुरुष र ४ महिला गरी २१३ संक्रमितको पुष्टि भएको छ । यसअघि संक्रमण पुष्टि भएर विभिन्न अस्पतालमा आइसोलेसनमा रहेकामध्ये यो २४ घन्टामा १०० पुरुष र २ महिला गरी थप १०२ जना निको भएर डिस्चार्ज भएका छन् । यो विवरणअनुसार नेपालमा कोभिड– १९ निको हुनेको कूल संख्या ४६७ पुगेको छ ।