नेपालमा कोरोनाभाइरसका संक्रमितको संख्या १७,३४४ पुगेको छ । पछिल्लो २४ घन्टामा १६७ जनामा कोभिड– १९ को संक्रमण पुष्टि भएसँगै यो संख्या पुगेको हो । यसअघि संक्रमण पुष्टि भएकामध्ये डिस्चार्ज हुनेको कूल संख्या ११,२४९ पुगेको छ । नेपालमा कोरोनाभाइरसको संक्रमणबाट ज्यान गुमाउनेको संख्या ३९ पुगेको छ ।
स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले बिहीबारको नियमित मेडिया ब्रिफङमा दिएको जानकारीअनुसार पछिल्लो २४ घन्टामा २१३ जना आइसोलेसनबाट डिस्चार्ज भएका छन् । पछिल्लो २४ घन्टामा ४ हजार ९ सय ८१ जनाको पीसीआर विधिबाट परीक्षण गरिएको छ । यतिबेला देशभरका विभिन्न क्वारेन्टाइनमा २३ हजार ५ सय जना छन् भने ६ हजार ५६ जना आइसोलेसनमा उपचाररत छन् ।
भिडियोमा हेर्नोस् प्रवक्ता गौतमको ब्रिफिङ–
https://www.facebook.com/mohpnep/videos/2887079221513248/
