प्युठानमा शनिबार राति ट्र्याक्टर दुर्घटना हुँदा सात जनाको मुत्यु भएको छ । स्वर्गद्वारी नगरपालिका– ३, रुमालेमा लु २ च ४२३४ नम्बरको ट्र्याक्टर दुर्घटना भएको थियो ।
स्वर्गद्वारीस्थित धरमपानीबाट भिङ्ग्रीतर्फ आउँदै गरेको ट्र्याक्टर दुर्घटना हुँदा भिङग्री–स्वर्गद्वारी सडक खण्डमा काम गर्ने कामदारको मुत्यु भएको जिल्ला प्रहरी कार्यालयका सूचना अधिकारी प्रहरी निरीक्षक विष्णुप्रसाद पौडेलले बताए । ट्र्याक्टरमा सवार आठ जनामध्ये एक जना बाँचेको उल्लेख गर्दै सात जनाको मृत्यु भएको प्रहरी निरीक्षक पौडेलले जानकारी दिए ।
ट्रयाक्टर दुर्घटनामा मृत्यु भएका व्यक्तिको पहिचान खुलेको छ । मृत्यु हुनेमा रोल्पाको रुन्टीगढी गाउँपालिका– ५ वाईजाका अन्दाजी २१ वर्षिय सागर बस्नेत, २४ वर्षीय रिमबहादुर बस्नेत, १९ वर्षीय वीरेन्द्र बाँठा मगर, १९ वर्षीय थमन बाँठा मगर, गोबर्द्धन बुढामगर र २५ वर्षीय कविराम बस्नेत रहेका छन् ।
ट्«याक्टर चालक त्रिवेणी गाउँपालिकाका अन्दाजी २५ वर्षिय कमल कुँवरको पनि मृत्यु भएको प्युठान प्रहरीका सूचना अधिकारी प्रहरी निरीक्षक विष्णु पौडेलले जानकारी दिएका छन् ।
