नेपालमा कोरोनाभाइरसका संक्रमितको संख्या ५५,३२९ पुगेको छ । यीमध्ये ३६० जनाको मृत्यु भैसकेको छ भने ३९,५७६ जना आइसोलेसनबाट डिस्चार्ज भएका छन् र १५,३९३ जना सक्रिय संक्रमित आइसोलेसनमा छन् ।
स्वास्थ्य तथा जनसंख्या मन्त्रालयका प्रवक्ता प्राडा जागेश्वर गौतमले सोमबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा काठमाडौंमा ४४०, भक्तपुरमा ४३ र ललितपुर २९ गरी राजधानी उपत्यकामा ५१२ सहित देशभर १,१७० जनामा कोरोनाभाइरसको संक्रमण पुष्टि भएको छ । देशभरका विभिन्न प्रयोगशालामा १०,८७८ जनाको पीसीआर परीक्षण गर्दा यो संख्याका संक्रमित पुष्टि भएका हुन् ।
पछिल्लो २४ घन्टामा ८७९ जना आइसोलेसनबाट डिस्चार्ज भएका छन् भने थप १५ जना कोरोनाभाइरसका संक्रमितको मृत्यु भएको छ । हालसम्म कूल ८ लाख ५१ हजार ४ सय ५ जनाको पीसीआर भएको मन्त्रालयले जनाएको छ ।
भिडियोमा हेर्नोस् ब्रिफिङको पूर्ण विवरण–
https://www.facebook.com/mohpnep/videos/868988330598010/
