नेपाल कम्युनिस्ट पार्टी (नेकपा) ले सो पार्टीका अध्यक्ष खड्गप्रसाद ओलीलाई पदबाट हटाइदिएको छ । उक्त पार्टीको मंगलबार बबरमहलस्थित कार्की पार्टी प्यालेसमा चलिरहेको केन्द्रीय कमिटीको बैठकले ओलीलाई पदच्युत गरेको हो ।
बैठकभित्रै रहेका केन्द्रीय सदस्य युवराज चौलागाईंले न्युजकोसेलीलाई भर्खरै दिएको जानकारीअनुसार पार्टी विधानको धारा १८ (क) र ५६ (क) को १, २, ३ र ५ वमोजिम अध्यक्ष प्रचण्डका तर्फबाट नेता भीम रावलले अध्यक्ष ओलीलाई अध्यक्षको पदबाट हटाउन राखेको प्रस्ता सर्वसम्मतिले पारित गरेको छ ।
त्यसपछि खालि हुन आएको अध्यक्ष पदमा माधवकुमार नेपाललाई चयन गर्नका लागि स्थायी कमिटीका तर्फबाट वरिष्ठ नेता झलनाथ खनालले प्रस्तुत गरेको प्रस्ताव एकमतले पारित भएको जानकारी समेत नेता चौलागाईंले दिएका छन् ।
