ओली समूहका नेता एवं कामचलाउ सरकारका उपप्रधानमन्त्री ईश्वर पोखरेल चढेको गाडीमाथि तोडफोड भएको छ । पोखरेल सवार गाडीमाथि सोमबार नुवाकोटमा नेकपाका कार्यकर्ताले तोडफोड गरेका हुन् ।
नेकपा छाडेर ओली समूहमा लागेका पोखरेल सोही समूहका कार्यक्रमका निम्ति नुवाकोट पुगेका हुन् । प्रतिनिधिसभा विघटन गरेर मुलुकलाई प्रतिगमनतर्फ धकेलेको भन्दै नेकपाका कार्यकर्ताले उनीविरूद्ध कालो झन्डा देखाए ।
कालो झन्डा देखाउने क्रममा नेकपाका कार्यकर्तामाथि बल प्रयोग गर्न सुरक्षकर्मीलाई उत्तेजित पारिरहेका उपप्रधानमन्त्री पोखरेलको गाडी ती कार्यकर्ताले तोडफोड गरिदिएका हुन् ।
