पछिल्लो २४ घन्टामा नेपालमा थप ८ हजार १ सय ७३ जनामा कोरोनाभाइरसको संक्रमण पुष्टि भएको छ । यो २४ घन्टामा देशभर २४६ जना कोरोना संक्रमितको मृत्यु भएको छ । नेपालमा कोरोनाबाट ज्यान गुमाउनेको संख्या ५ हजार ६ सय ५७ पुगेको छ ।
यसअघि संक्रमण पुष्टि भएकामध्ये पछिल्लो २४ घन्टामा ७ हजार ९ सय ८९ जना संक्रमणमुक्त भएका छन् । पछिल्लो २४ घन्टामा संक्रमण पुष्टि भएकामध्ये ८ हजार ६४ पीसीआर परीक्षणबाट र १ सय ९ जना एन्टिजेन परीक्षणबाट संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जनाएका छन् ।
