नेपाली कांग्रेसको संस्थापनइतर पक्षले आधिकारिक उमेदवार घोषणा गर्ने भएको छ । महाधिवेशनको उद्घाटन सत्रपछि आज साँझ ५ बजे संस्थापनइतको बैठक बसेर उमेदवार तयार गर्ने निर्णयमा नेताहरु सहमत भएका छन् ।
‘उक्त बैठकमा जिल्ला सभापतिहरु, जिल्लाका पूर्व सभापतिहरु केन्द्रीय सदस्य सहित नेताहरु बसेर आधिकारिक टिम घोषणा गर्ने निर्णय गरिएको छ,’ एक कांग्रेस नेताले भने । बैठक अनुपम फुडल्यान्ड बत्तिसपुतलीमा बस्ने छ ।
कांग्रेस नेताहरु वरिष्ठ नेता रामचन्द्र पौडेल निवास बोहराटार पुगेर पौडललाई महाधिवेशनको उद्घाटनसत्रमा सहभागी हुन सहमत गराएका छन् । साँझसम्म साझा उमेदवार तयार गर्ने नेताहरुले प्रतिबद्धता जनाएपछि पौडेल उद्घाटनसत्रमा सहभागी हुन तयार भएका हुन् । महेश आचार्य, बलबहादुर केसी, अर्जुननरसिंह केसी, गगन थापा, रामशरण महत पौडेल निवास पुगेका थिए ।
