नयाँ वर्ष बिक्रम सम्बत् २०७९ लाई स्वागत गर्दै राजधानीमा वृहत् दीपप्रज्वलन गरिएको छ । ‘हाम्रो नववर्ष, हाम्रो गौरव’ नाराका साथ बुधबार पशुपतिस्थित ‘वागमती आरतीस्थल’ मा कार्यक्रम सम्पन्न गरिएको हो ।
दीपप्रज्वलन कार्यक्रममा विभिन्न धार्मिक संघ–संगठनका प्रतिनिधिलगायतका आध्यात्मिक व्यक्तित्वहरुको उत्साहजनक सहभागिता रह्यो । हिन्दू स्वयंसेवक संघ नेपाल, विश्व हिन्दू परिषद् नेपाल, हिन्दू राष्ट्र स्वाभिमान जागरण अभियान, जनकल्याण प्रतिष्ठान नेपाललगायतका संघ–संस्थाको अगुवाइमा देशका विभिन्न स्थानहरुमा दीपप्रज्ज्वलन कार्यक्रम सम्पन्न भएको हो ।
