प्राइम कमर्सियल बैंक लिमिटेडले आफ्नो आफ्नो १७औं वार्षिकोत्सवका अवसरमा शुक्रबार केन्द्रीय कार्यालय कमलपोखरी काठमाडौं, कोशी प्रदेश कार्यालय बिराटनगर, मधेश प्रदेश कार्यालय वीरगञ्ज, गण्डकी प्रदेश कार्यालय पोखरा, लुम्बिनी प्रदेश कार्यालय बुटवल र कर्णाली प्रदेश कार्यालय छिन्चु, सुर्खेतमा रक्तदान कार्यक्रम सम्पन्न गरेको छ ।
बैंकका प्रमुख कार्यकारी अधिकृत सञ्जीव मानन्धरले जारी गरेको विज्ञप्तिमा जनाइएअनुसार देशभरका ६ स्थानमा सम्पन्न रक्तदान कार्यक्रममा बैकका कर्मचारी तथा शुभेच्छुक गरी ३ सय ९२ जनाले रक्तदान गरे । कार्यक्रममा प्रमुख कार्यकारी अधिकृत सञ्जीव मानन्धरले सम्पूर्ण रक्तदाता तथा प्रविधिकहरुलाई धन्यवाद दिँदै मानव जीवन रक्षाका लागि अत्यावश्यक रगत संकलन गर्ने कार्यक्रम सम्पन्न गर्न पाउँदा अत्यन्तै खुसी लागेको धारणा राखे ।
आगामी दिनमा पनि सामाजिक सेवाका विभिन्न कार्यहरु गर्दै जाने प्रतिबद्धता समेत प्रमुख कार्यकारी अधिकृत मानन्धरले व्यक्त गरे ।
