अतिरिक्त समयमा एइडरले गोल गरेपछि आयोजक फ्रान्सलाई हराउँदै पोर्चुगलले पहिलो पटक युरोकप फुटबलको उपाधि जित्न सफल भएकाे हाे ।
सोमबार बिहानकाे राति भएको फाइनलमा पोर्चुगलले आफ्ना स्टार कप्तान क्रिष्टियानो रोनाल्डोलाई २५ औं मिनेटमा चाेट लागेकाले खेल मैदानबाट बाहिरिनु परेकाे थिए ।
तर, एइडरको गोलको मद्दतमा घरेलु टोलीलाई १-० गोल अन्तरले पराजित गर्दै पोर्चुगल युरोपियन महादेश च्याम्पियनकाे विजेता बनेको हो। उसका जितका लागि १०९ औं मिनेटमा एइडरले निकै लोभलाग्दो गोल गरेका थिए।
फ्रान्सले खेलमा केही सुन्दर मौका खेरा फालेको थियो । उसका स्टारम्यान एन्टोनी ग्रिजम्यानको दुई प्रहारलाई पोर्चुगलका गोलकिपरले रोके भने गेनियाकको प्रहार पोष्टमा लागेको थियो ।
समूह चरणका सबै खेल हारे पनि तेस्रो स्थानमा रहेको उत्कृष्ट टिमका रुपमा नकआउट चरणमा पुगेको २००४ को उपविजेता पोर्चुगलले नभन्दै याे पटक उपाधिमाथि कब्जा जमाएको हो।
केही तस्विरहरू
