गाँस लाग्न थालेको छ

किन किन पराईहरू खास लाग्न थालेको छ

तक्दिरमा नहुनेको आस लाग्न थालेको छ ।।

मेरो हरेक नसामा बग्ने उनी खुन बनेपछी

साँझ बिहान अचेल गाँस लाग्न थालेको छ ।।

अर्थहीन यो मेरो जीवनमा तिमी आएदेखि

शून्य मेरो जिन्दगी, प्रकाश लाग्न थालेको छ ।।

अलग हुन पर्दा हामी बिवशता र बाध्यताले

आफ्नै शरीर जिउँदो लास लाग्न थालेको छ ।।

भाग्यले नै साथ छाड्दा पलपल यो”सपना”को

हाम्रो प्रेम कहानी इतिहास लाग्न थालेको छ ।।

दर्बुङ– ६, गोरखा