नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी निकट अखिल नेपाल महिला सङ्घ (क्रान्तिकारी) की केन्द्रीय महासचिव धिरेन्द्रा उपाध्याय ‘भृकुटी’ लाई मंगलबार प्रहरीले राजधानीमा पक्राउ गरेको छ ।
नेतृ उपाध्यायलाई प्रहरीले काठमाडौंको बुढानीलकण्ठबाट दिउँसो गिरफ्तार गरेको अनेमसंघ (क्रान्तिकारी) ले जनाएको छ । विप्लव नेकपाले बुधबारका लागि आह्वान गरेको बन्दको पूर्वसन्ध्यामा महासचिव भृकुटीलाई प्रहरीले गिरफ्तार गरेको हो । उनी पूर्वसभासद समेत हुन् ।
साउन ४ मा गिरफ्तार परेका नेकपाका उपत्यका ब्युरो इन्चार्ज माइला लामाको रिहाईको माग गर्दै नेकपाले बुधबार बागमती र नारायणी ब्युरो तजा जनकपुर ब्युरोका रामेछाप र दोलखा बन्द आह्वान गरेको छ । सोही संगठनकी केन्द्रीय अध्यक्ष बन्धु चन्द समेत लामो समयदेखि जेलमै छिन् ।
