नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टीका फेरि अर्का एक नेता पक्राउ परेका छन् । उक्त पार्टीका जुम्ला जिल्ला इन्चार्ज चन्द्रवीर तिरुवा ‘रविकिरण’ लाई प्रहरीले पक्राउ गरेको हो ।

बुधबार राति १ बजे सिँजा गाउँपालिका– २, चुलेलगाउँस्थित आफ्नै घरमा सुतिरहेका बेला छापा मारेर उनलाई पक्राउ गरिएकोे जिल्ला प्रहरी कार्यालयका प्रहरी नायब उपरीक्षक सिताराम रिजालले जानकारी दिएका छन् । उनलाई जिल्ला प्रहरी कार्यालयको हिरासतमा राखिएको प्रहरीले जनाएको खबर राससले प्रशारित गरेको छ ।