बाबुराम भट्टरार्इ नेतृत्वको नयाँ शक्ति नेपालले आइतबार निर्वाचन आयोगमा दल दर्ताका लागि निवेदन दिएको छ । नयाँ शक्तिका संयोजक डा। भट्टराईलगायतका नेता आयोगको कार्यालय पुगेर दल दर्ताको निवेदन दिएको प्रवक्ता खिमलाल देवकोटाले जानकारी दिए ।
पार्टी दर्तापछि संयोजक भट्टराईले सञ्चारकर्मीलाई नयाँ शक्तिले मुलुकमा हुन लागिरहेका ३ वटै निर्वाचनमा पहिलो स्थान हासिल गरेर मुलुकको नेतृत्व गर्ने दाबी गरे ।
‘सरकारमा पुगेर राज्यको नेतृत्व गर्ने हाम्रो अभिष्ट छ, आगामी डेढ वर्षभित्र स्थानीय निर्वाचन, प्रदेशको निर्वाचन र केन्द्रीय निर्वाचन हुन्छन्’, उनले जिकिर गरे– ‘ती ३ वटै निर्वाचनमा हामी सहभागी हुन्छौं ।’
संयोजक भट्टराईले आफ्नो दल नेपालमा रहेका पुराना सबै पार्टीभन्दा फरक विशेषता भएको पार्टी भएको बताए ।
