सरकारलार्इ दिएकाे समर्थन फिर्ता लिनुका साथै मन्त्रीपरिषदबाट नेकपा (माओवादी केन्द्र) फिर्ता भर्इ सरकार अल्पमतमा परेपछिको अवस्थाबारे छलफल गर्न मंगलबार साँझ नेकपा (एमाले) स्थायी कमिटीको बैठक बस्दैछ ।
सरकारको नेतृत्वकर्ता एमालेले सत्ता साझेदार माओवादीको सो निर्णयबारे स्थायी कमिटीको बैठकपछि मात्रै आधिकारिक प्रतिक्रिया दिने जनाएको छ । माओवादीले सरकारबाट फिर्ता हुने पत्र दिएपछि प्रधानमन्त्री तथा एमाले अध्यक्ष केपी शर्मा ओलीले अन्य केही मन्त्री तथा पूर्वसभामुख सुवास नेम्वाङलगायतसँग अनौपचारिक छलफल गरेका छन् ।
प्रधानमन्त्रीनिवास बालुवाटारमा एमाले स्थायी कमिटीको बैठक बस्ने तय भएको प्रधानमन्त्री ओलीका प्रेस संयोजक चेतन अधिकारीले जानकारी दिए ।
