बुधबार राति तालिवानहरुले १ विश्वविद्यालयमा हमला गरेका छन् । अफगानिस्तानको राजधानी काबुलमा भएको सो हमलामा पर्ने विश्वविद्यालय अमेरिकीहरुद्वारा सञ्चालित हो ।
काबुलका प्रहरी प्रमुख अब्दुल रहमान रहिमीले सो हमला तालिवानहरुले गरेका र बुधबार साँझको आक्रमणपछि बिहीबार बिहानसम्ममा १५ जनाको ज्यान गएको बताएका छन् । ज्यान जानेमा २ तालिवान पनि रहेका छन् भने केही घाइते भएका छन् ।
ज्यान जानेमा उक्त विश्वविद्यालयको गेटमा बस्ने पाले १, विद्यालयका कर्मचारी १, ३ प्रहरी, ७ विद्यार्थी छन् । केही व्यक्ति बेपत्ता रहेको प्राप्त समाचारमा जानाइएको छ।
उनीहरुलाई तालिबानले अफहरण गरेर लगे वा कता बेपत्ता छन् भन्ने बारेमा खोजी भइरहेको छ । १ व्यक्तिले आफू चढेको कारमा ल्याएको बम उक्त विश्वविद्यालयको ढोकामै लगेर बिस्फोट गराएको र घन्टौंसम्म भीडन्त भएको अधिकारीहरूले जनाएका छन् ।
यसरी शिक्षण संस्थामा गरिएको यस आक्रमणबारे तालिवानहरुले भने केही बताएका छैनन् ।
