(भिडियोमा हेर्नोस् पूर्णबहादुर तामाङका प्रतिबद्धता)
नेपाली कांग्रेसका तर्फबाट प्रतिनिधिसभा उम्मेदवार रहेका पूर्णबहादुर (कान्छाराम) तामाङले हालै एउटा कार्यक्रममा पटक–पठक ‘लालसलाम’ भनेर ‘शिष्टाचार’ प्रकट गरे ।
रामेछापमा प्रतिनिधिसभाका लागि उम्मेदवार रहेका वाम गठबन्धनका श्यामकुमार श्रेष्ठ ‘कुशल’ र कांग्रेसका पूर्णबहादुर तथा प्रदेशसभा (क) मा वाम गठबन्धनका शान्तिप्रसाद पौडेल र कांग्रेसका रत्न कार्की एवं प्रदेशसभा (ख) मा वाम गठबन्धनका कैलाशप्रसाद ढुंगेल र कांग्रेसका जितबहादुर मगरले सम्बोधन गरेको कार्यक्रममा कांग्रेस उम्मेदवार तामाङले ‘लालसलाम’ टक्र्याएका हुन् ।
उम्मेदवारहरुका प्रतिबद्धता सार्वजनिक गर्न शुक्रबार राजधानीमा आयोजित सो कार्यक्रममा कांग्रेस उम्मेदवार तामाङले राज्य–संयन्त्रको परिचालन, व्यवस्थापन, सुदृढीकरणका खासै कुरा गरेनन् । संविधान, कानुन र नियमहरुको कार्यान्वयन तथा परिमार्जनको कुरा पनि उनले गरेनन् । उनी स्वयंले निजी स्रोत–सम्पत्तिबाट जिल्लामा के–के काम गरे र अब के–के गर्दैछन् भन्ने कुरामा मन्तव्यको सबैजसो समय खर्चिए ।
