हालै सम्पन्न नेपाल बार एसोसिएसनको निर्वाचनको मतगणना अन्तिममा पुग्दा प्रगतिशील समूहका चण्डेश्वर श्रेष्ठ अध्यक्ष पदमा विजयी भएका छन् ।
४ हजार २२ मत प्राप्त गरी श्रेष्ठ विजयी भएका हुन् भने उनका प्रतिद्वन्द्वी लोकतान्त्रिक समूहका सुनिलकुमार पोखरेलले ३ हजार ८ सय ७३ मत प्राप्त गरे ।
बारको महासचिवमा भने लोकतान्त्रिक समूहका लीलामणि पौडेल विजयी भएका छन् । प्रगतिशील समूहका सुरेन्द्रबहादुर थापालाई पराजित गर्दै पौडेल विजयी भएका हुन् । पौडेलले ४ हजार १ सय ७८ मत ल्याए भने थापाले ३ हजार ७ सय ०१ मत प्राप्त गरे ।
