मोहन वैद्य ‘किरण’ नेतृत्वको नेपाल कम्युनिस्ट पार्टी (क्रान्तिकारी माओवादी) का केन्द्रीय सदस्यसहित साे पार्टीसम्बद्ध विद्यार्थी संगठन अखिल (क्रान्तिकारी) का १७ नेतालाई प्रहरीले पक्राउ गरेको छ । कीर्तिपुरस्थित त्रिवि सेवा आयोगको गेटबाट सो पार्टीका केन्द्रीय सदस्य सूर्य श्रेष्ठसहित १७ कार्यकर्तालाई प्रहरीले पक्राउ गरेको हो ।
सो पार्टी निकट विद्यार्थी अखिल (क्रान्तिकारी) का अध्यक्ष हरिकृष्ण गजुरेल, महासचिव पेशल दाहाल, सचिवद्वय महेश श्रेष्ठ र सूर्य कार्की, केन्द्रीय सदस्यहरु जितेन्द्र लम्साल, शोभा सुञ्चुरी, सागर शाही, नरबहादुर कुमाललगायत पक्राउ परेका हुन् ।
त्रिवि सेवा आयोग परिसरमा ५ दिनदेखि धर्ना दिइरहेका उनीहरुलाई प्रहरीले एक्कासि नियन्त्रणमा लिएको जानकारी सो संगठनका काठमाडौं अध्यक्ष संघर्ष दाहालले दिएका छन् । प्रहरीले सबैलाई कालिमाटीस्थित महानगरीय प्रहरी र्वत्तमा राखिएको दाहालले बताएका छन् ।
नेता–कार्यकर्ता पक्राउ गर्ने क्रममा प्रहरीले बल प्रयोग गरेको र त्यस क्रममा केही कार्यकर्ता घाइते भएको उनले बताएका छन् ।
थप यो पनि पढ्नुहोस्–
माओवादी विद्यार्थीद्वारा त्रिवि सेवा आयोगमा तालाबन्दी
