कर्मचारीले आफ्नो बढुवा आफैं गर्न सक्छन् र ? धेरैको उत्तर हुन्छ– सक्दैनन् । तर, त्रिभुवन विश्वविद्यालयमा कर्मचारी आफैंले आफ्नो बढुवा गर्न सक्छन् ।
पदमा बस्यो, आफूअनुकुल नियम बनायो अनि बढुवा भइहाल्यो । लामो समयदेखि यस्तै बेथितिको मारमा गुज्रिरहेको छ त्रिभुवन विश्वविद्यालय । त्रिविका तीन रजिस्ट्रार आफू पदमै रहेकै बेला सहप्रध्यापकबाट प्राध्यापकमा बढुवा भएका छन् ।
सहप्रध्यापकबाट प्राध्यापकमा बढुवा भएका रजिस्ट्रार डिल्ली उप्रेती पछिल्ला व्यक्ति हुन् । यसअघि चन्द्रमणि पौडेल र गीताभक्त जोशी पनि आफूअनुकूल नियम परिवर्तन गरेर बढुवा भएको खबर सूर्यप्रसाद पाण्डेको बाइलाइनमा शुक्रबारको अन्नपूर्ण पोस्ट दैनिकमा प्रकाशित छ ।
