समाजवादी पार्टीका अध्यक्ष समेत रहेका उपप्रधान एवं कानुन, न्याय तथा संसदीय मामिलामन्त्री उपेन्द्र यादवले पदबाट राजीनामा दिएका छन् । यादवले मंगलबार प्रधानमन्त्री केपी शर्मा ओलीलाई राजीनामा पत्र बुझाएको समाजवादी पार्टीले जनाएको छ ।
सो पार्टी सरकारमा सहभागी हुँदा तत्कालीन नेकपा (एमाले) र नेकपा (माओवादी केन्द्र) सँग भएको संविधान संसोधनसहितका सहमति कार्यान्वयन नभएको भन्दै राजीनामा दिएको उनले जनाएका छन् । मन्त्रिपरिषदको सोमबारको बैठकमा संविधान संशोधनको प्रस्ताव लगेका यादवलाई प्रधानमन्त्री केपी शर्मा ओलीले रोकेपछि उक्त एजेन्डा बैठकमा प्रवेश हुन पाएन् ।
संशोधन प्रस्ताव पेस हुन नपाएपछि यादवले भोलिपल्टै राजीनामा बुझाएका हुन् । सरकारमै रहेर सरकारको कार्यशैलीबारे असन्तुष्ट रहेको समाजवादी पार्टीमा लामो समयदेखि नै सरकार छााड्ने या नछाड्ने विषयमा विवाद चल्दै आएको थियो ।
समाजवादी पार्टी सरकारबाट बाहिरिँदा पनि सत्ताधारी नेकपाको निकै बलियो र स्पष्ट बहुमत कायमै छ । तर, संविधानमा भएको व्यवस्थाका कारण अबकाे ३० दिनभित्र प्रधानमन्त्री ओलीले संसदबाट विश्वासको मत भने लिनैपर्ने स्थिति आएको छ ।
यस्तो छ यादवले प्रधानमन्त्रीलाई बुझाएको राजीनामा पत्र–
