नेपालमा प्रमाणित काेराेनाभाइरसकी दाेस्राे संक्रमित व्यक्ति प्रशिद्धि श्रेष्ठ २७ दिन टेकु अस्पतालमा उपचारपछि पूर्ण निकाे भएर शनिबार डिस्चार्ज भएकी छन् । १९ वर्षीया प्रसिद्धि पछिल्लो रिपोर्ट नेगेटिभ आएपछि डिस्चार्ज भएकी हुन् ।
चैत १० मा कोरोनाभाइरस पोजेटिभ देखिएपछि उनी राजधानीको टेकुस्थित शुक्रराज ट्रपिकल तथा सरुवा रोग अस्पतालको आइसोलेसन वार्डमा भर्ना भएकी थिइन् । आफू पूर्ण निको भएर फर्किएको भन्दै उनले सञ्चार माध्यममा अनुभव शेयर गरेकी छन् । आफ्नो उपचारमा चिकित्सक र स्वास्थ्यकर्मीले राम्रो सहयोग गरेको उनले बताइन् । काठमाडौंकी स्थानीयवासी प्रशिद्धि चैत ४ मा फ्रान्सबाट कतारको दोहा हुँदै काठमाडौं आएकी थिइन् ।
उनी आएको कतार एयरवेजको क्यूआर ६५२ को जहाजमा नेपाल आएका बागलुङका अरु २ जना नेपालीमा पनि कोरोना संक्रमण पुष्टि भएको छ । उनीहरु धौलागिरि अस्पतालमा उपचाररत छन् ।
