नेपालमा कोरोनाभाइरसका संक्रमितको कूल संख्या ११,७५५ पुगेको छ । हालसम्म डिस्चार्ज हुनेको कूल संख्या २,६९८ र कोरोनाबाट ज्यान गुमाउनेको कूल संख्या २७ पुगेको छ ।
स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले शुक्रबारको नियमित मेडिया ब्रिफिङमा दिएको जानकारीअनुसार पछिल्लो २४ घन्टामा काठमाडौंका ३ सहित देशभर ५९३ जनामा कोरोनाभाइरसको संक्रमण पुष्टि भएको छ । पछिल्ला संक्रमितमा १०७ महिला र ४८६ पुरुष रहेको प्रवक्ता गौतमले जानकारी दिएका छन् ।
यसअघि संक्रमण पुष्टि भएर आइसोलेसनमा रहेकामध्ये पछिल्लो २४ घन्टामा ८ महिला र ४० पुरुष गरी ४८ जना डिस्चार्ज भएको समेत गौतमले जानकारी दिएका छन् । देशभित्र कोरोना संक्रमणबाट मृत्यु हुनेको कूल संख्या २७ पुगेको छ ।
पछिल्लो २४ घन्टामा पीसीआर विधिबाट ६ हजार ५ सय ३४ र हालसम्म कूल २ लाख ६ हजार २ सय ७१ जनाको कोरोना परीक्षण गरिएको छ । यतिबेला देशभर ७१ हजार १२ जना क्वारेन्टाइनमा रहेका छन् भने विभिन्न अस्पतालमा गरी ९ हजार ३० जना आइसोलेसनमा उपचाररत छन् ।
https://www.facebook.com/mohpnep/videos/2041768872623661/
