विभाजनको डिलमा पुगिसकेर पनि फेरि एकताको बाटोतर्फ लम्किएको सत्ताधारी एमालेको एकतालाई मूर्तरूप लिन गठन गरिएको १० सदस्यीय कार्यदलको पहिलो बैठकले तीनबुँदे निर्णय लिएको छ ।
अध्यक्ष खड्ग ओली पक्षबाट सुवासचन्द्र नेम्बाङको नेतृत्वमा विष्णु पौडेल, प्रदिप ज्ञवाली, शंकर पोखरेल र विष्णु रिमाल तथा वरिष्ठ नेता माधवकुमार नेपालका तर्फबाट भीम रावलको नेतृत्वमा घनश्याम भुसाल, गोकर्ण विष्ट, सुरेन्द्र पाण्डे र रघुजी पन्त रहेको कार्यदलको मंगलबार बसेको पहिलो बैठकमा कार्यव्यस्ताको कारण दर्शाउँदै पौडेल र पोखरेल भने उपस्थित भएनन् । बैठकले आफ्नो कार्यक्षेत्र, कार्यविधि र आचारसंहिता तुरुन्त तयार पारी लागू गर्ने निर्णय गरेको उपाध्यक्ष भीम रावलले बताए ।
‘पार्टीमा देखिएका समस्याहरुलाई यथोचित रुपमा समाधान गर्दै पार्टी पंक्तिलाई एकताबद्ध रुपमा अघि बढाउन कार्यदलले सबैसँग सहयोग र सद्भावका लागि आग्रह गरेको छ,’ बैठकपछि सञ्चारकर्मीलाई जानकारी गराउँदै रावलले भने– ‘पार्टी एकता र समझदारीलाई वृद्धि गर्न तथा एकआपसमा अविश्वास, असहयोग र अन्तर्विरोध सिर्जना हुने कामकुराबाट अलग रहन पार्टी पंक्तिलाई आह्वान गर्ने निर्णय गरिएको छ ।’
यस्तो छ कार्यदलको प्रेसनाेट–
