तत्कालीन नेकपा हुँदै पुनर्जीवित एमाले विभाजन हुँदासम्म अध्यक्ष खड्ग ओलीको तीव्र आलोचना गर्दै वरिष्ठ नेताद्वय झलनाथ खनाल–माधवकुमार नेपाल नेतृत्वको ‘विद्रोही’ समूहको अगुवाइ गरेका स्थायी कमिटीका ९ नेताले ‘तेस्रो धार’ जन्माउने संकेत गरेका छन् ।
अन्ततः एमाले विभाजित भई माधवकुमार नेपालको अध्यक्षतामा नेकपा एमाले (समाजवादी) गठन हुँदा र नयाँ दल दर्ताको निवेदन लिएर नेपाल पक्ष निर्वाचन आयोगमा पुग्दा भने विगतदेखि सोही पक्षमा चर्को वकालत गर्दै आइरहेका स्थायी कमिटीका ९ नेता एकाएक ‘ब्याक’ भए । नेपाल–खनालाई उनीहरूले नराम्ररी ‘धोका’ दिएको र आफ्नै राजनीतिक भविष्य समेत धरापमा पारेको रूपमा समेत अर्थ्याइँदै छ ।
नेपाल नेतृत्वको पार्टीमा ‘संस्थापक’ बन्ने अवसर गुमाए तापनि उनीहरू ओली पक्षमा लागिहाल्ने सम्भावना भने देखिँदैन । बरू यिनै ९ नेतातर्फ संकेत गर्दै एमाले अध्यक्ष खड्ग ओलीले ‘पिलो निचोरिएको तर खिल अझै बाँकी रहेको’ बताएका छन् । ‘पिलो फुटिसकेको भए तापनि खिलले अझै कति दुःख दिने हो, ठेगान छैन’ भन्दै ओलीले उनीहरूलाई समेत ‘एमालेमा ठाउँ नरहेको’ जनाउ दिइसकेका छन् ।
‘पार्टीमा चाहिने–नचाहिने काम गर्ने, आफ्नै पार्टीको सरकारविरुद्ध लागेर विपक्षलाई सघाउने काम गरे । उनीहरु सबै जान्छन् भन्ठानेको त केही अझै बाँकी रहने पो भए,’ आफूनिकट केही नेताहरुसँगको भेटमा बिहीबार बिहान ओलीले भनेका थिए– ‘‘सबै पिलो निचोरियो भन्ठानेको अझै खिल बाँकी रहने भयो, कति दुस्ख दिने हुन् अझै ! बाँकी रहेका पनि उतै गैदिए हुन्थ्यो ।’
उता, युवराज ज्ञवाली, अष्टलक्ष्मी शाक्य, भीम रावल, घनश्याम भुसाल, भीम आचार्य, गोकर्ण विष्ट, योगेश भट्टराई, सुरेन्द्र पाण्डे र रघुजी पन्त गरी ९ नेताले भने बिहीबार साँझ संयुक्त विज्ञप्ति जारी गर्दै १० बुँदे सहमति कार्यान्वयन नहुँदा पार्टी फुटेको दावी गरेका छन् । ओली–नेपाल दुवैले ‘सच्चिएर’ १० बुँदेलाई अक्षरसः पालना गरी पार्टी एकता जोगाउनुपर्ने उनीहरूको जिकिर छ ।
यस्तो छ नेपाललाई ‘धोका’ दिने ९ नेताको विज्ञप्ति–
