तत्कालीन सत्ताधारी नेपाल कम्युनिस्ट पार्टी (नेकपा) लाई सर्वोच्च अदालतको ‘फैसला’ ले विघटन गराइदिएर पूर्ववत एमाले र माओवादी केन्द्र नै ब्युँताइदिएपछि एमाले आन्तरिक द्वन्द्वमा फसेर विभाजनको संघारमा पुगेको छ । माओवादी केन्द्र भने कतिपय वैचारिक, राजनीतिक, नीतिगत र संगठनात्मक हेरफेरसहित ‘तंग्रिने’ कोसिसमा लागेको छ ।
यसै सिलसिलामा माओवादी केन्द्रले विद्यमान पार्टी विधानमा केही उल्लेख्य संशोधन गरेर पार्टी संगठन एवं गतिविधिलाई गति दिने प्रयास गरेको छ । माओवादी केन्द्रले संशोधित विधानको मस्यौदालाई अन्तिम स्वरूप दिएको छ र त्यसलाई केन्द्रीय समितिबाट पारित गरेर कार्यान्वयनमा लाने जनाएको छ ।
यस्तो छ माओवादी केन्द्रको संशोधित विधान (मस्यौदा), जस्ताको तस्तै–
