ताल तथा सिमसार संरक्षण अभिवृद्धिका लागि स्थानिय उपभोक्ता समितिहरूका सदस्यहरूलार्इ राजधानीमा दुइदिने तालिम शुरू भएको छ ।
कार्यक्रमको उद्घाटन गर्दै ‘ताल तथा सिमसार संरक्षण’ का अध्यक्ष नानिकाजी थापाले ताल तथा सिमसारका बारेमा प्रकाश पारेका थिए ।
‘प्राकृतिक वरदानबाट प्राप्त साधनलार्इ उपयोग गरि राष्ट्रिय बिकासमा लाग्न पाउनु गौरवको बिषय हो’ थापाले भने–दक्ष ब्यक्तिबाट नै ताल र सिमसार क्षेत्रको संरक्षण गर्न सकिने भएकाले प्रथम पटक यो तालिमको आयोजना गरिएको हो ।
‘नेपालका तालहरू धार्मिक तीर्थस्थलका रूपमा प्रसिद्ध छन्।’ धार्मिक पर्यटक, तीर्थालु तथा तालको विशेषतामा नकारात्मक असर नपर्ने गरि तालबाट लाभ लिनुपर्नेमा अध्यक्ष थापाको जोड थियो ।
राष्ट्रिय ताल संरक्षण बिकास समितिका कार्यकारि निर्देशक कुलबहादुर शाहले तालिमको मुख्य उद्देश्य ताल संरक्षणका लागि सदस्यहरूलार्इ दक्षताको अविवृद्धि गराउनु भएको प्रष्ट पारेका थिए ।
‘ताल तथा सिमसार क्षेत्रमा आउने पर्यटक तथा तीर्थालुबाट आर्थिक उपार्जन गर्न सकिने भएकाले यसको संरक्षण र बिकास आवस्यक छ’ कार्यकारि निर्देशक शाहको भनार्इ थियो ।
रातापोखरी संरक्षण मंच, कास्किका अध्यक्ष प्रदिपनारायण शाहले ‘एक गाँउ एक पोखरी’ को अवधारणा अनुरूप कार्य हुनुपर्नेमा जोड दिएका थिए । ‘तालविना मानव सभ्यताको बिकास हुन सक्तैन’ शाहको भनार्इ थिायो–यसको संरक्षण र बिकासमा सबैले योगदान दिनु पर्छ ।
रूपाताल संरक्षणका अध्यक्ष कुलप्रसाद अधिकारीले भोलीको पुस्तालार्इ देखाउनका लागि पनि तालको संरक्षण गर्नुपर्नेमा जोड दिए ।
नेपालमा अहिलेसम्म ५ हजार ३ सय ८५ तालहरू पत्ता लागेकाे पनि कार्यक्रममा जानकारि दिइएकाे थियाे । तालिम ‘राष्ट्रिय ताल संरक्षण बिकास समिति’ ले आयोजना गरेको हो ।
