खेवाङ गाविसस्थित साँगादिन बजारमा भएको आगलागीले ३ घर जलेर नष्ट भएका छन् । अाइतबार राति करिब १ बजे अचानक भएको आगलागीले खेवाङ– ४ का श्रीप्रसाद भट्टराई, ठाकुरप्रसाद दाहाल र कृष्णप्रसाद दाहालको घर पूर्णरुपमा जलेर नष्ट भएका हुन् ।

घरसँगै रहेको पसल र घरभित्र रहेका सम्पूर्ण सामान जलेर नष्ट हुँदा लाखौं मूल्य बराबरको क्षति भएको छ । स्थानीयले बताएअनुसार कृष्णप्रसाद दाहालको भान्छाकोठा नजिकैको दाउराको हारबाट राति करिब १ बजे अचानक आगलागी सुरु भएको थियो । प्रहरीले भने आगलागीको कारण यकिन नभएको बताएको छ ।