नेपालको राजकीय भ्रमणका क्रममा भारतका राष्ट्रपति प्रणव मुखर्जी काठमाडाैं अाइपुगेका छन्र । उनलार्इ राष्ट्रपति विद्यादेवी भण्डारीले त्रिभुवन अन्तर्राष्ट्रिय विमानस्थलको अति विशिष्ट कक्षमा स्वागत गरेकी छन् ।
राष्ट्रपति भण्डारीले मुखर्जीलार्इ पुष्पगुच्छाले स्वागत गरेकी हुन् । नेपालका विशिष्ट अतिथि मुखर्जीको स्वागतार्थ विमानस्थलमा उपराष्ट्रपति नन्दबहादुर पुन र प्रधानमन्त्री पुष्पकमल दाहाल उपस्थित भए ।
राष्ट्रपति भण्डारीको मैत्रीपूर्ण निमन्त्रणामा विशेष विमानबाट मध्याह्न करिब १२ः२० मा अवतरण गरेका राष्ट्रपति मुखर्जीलाई नेपाली सेनाको एक टोलीले सम्मान गारत अर्पण गरेको छ ।
सो अवसरमा मन्त्रिपरिषद्का सदस्य, परराष्ट्र मन्त्रालय र राष्ट्रपतिको कार्यालयका वरिष्ठ अधिकारीहरु उपस्थित भए । भारतका राष्ट्रपतिको सम्मानमा नेपाली सेनाले २१ तोपको सलामी पनि दियो ।
विमानस्थलको विशेष समारोहपछि राष्ट्रपति भण्डारीका साथ भारतीय राष्ट्रपति एउटै मोटरमा राष्ट्रपति कार्यालय शीतलनिवासतर्फ प्रस्थान गरेका छन् ।
राष्ट्रपतिको सवारीमार्ग विमानस्थलदेखि राष्ट्रपति कार्यालय शीतल निवाससम्मको मार्गमा नेपाल र भारतका राष्ट्रिय झण्डा फहराएर अतिथिको स्वागतार्थ सर्वसाधारण उभिएका छन् ।
