चाडपर्वलाई लक्षित गरी साल्ट्र ट्रेडिङ लिमिटेडले सञ्चालन गरेको सहुलियत पसलमा ५ लाख ५० हजार रूपैयाँभन्दा बढीको नुन चिनी बिक्री भएको छ ।
दसैं, तिहार र छठपर्वका लागि साल्ट्र ट्रेडिङले सञ्चालन गरेको उक्त सहुलियत दरको सुपथ मूल्य पसलमा ३ लाख ८३ हजार रूपैयाँकाे चिनी र १ लाख ७३ हजार रूपैयाँको नुन बिक्री कार्यालय प्रमुख जितेन्द्र साहले जानकारी दिए ।
गत असोज १ गतेदेखि कात्तिक २१ गतेसम्म सञ्चालन भएको सो पसलबाट ४ हजार ८ सय ५० किलो चिनी र १० हजार ८ सय ५० किलो नुन बिक्री भएको थियो । बजारमा खुद्रा रुपमा प्रतिकिलो २० मा बिक्री हुने नुन साल्ट्र ट्रेडिङले सहुलियत पसलबाट १६ मा र बजारमा ८५ मा प्रतिकिलो बिक्री हुने चिनी ७९ रूपैयाँ मा बिक्री गरेको थियो ।
