जिल्ला ट्राफिक प्रहरी कार्यालयले चालु आव २०७३/७४ को प्रथम चौमासिकमा ७७ लाख ६७ हजार रूपैयाँ राजस्व सङ्कलन गरेको छ ।
ट्राफिक नियम उल्लङ्घन गर्ने १३ हजार १ सय सवारी चालकलाई कारबाही गरी उक्त राजस्व सङ्कलन गरेको हो । कारबाहीमा पर्नेमा सबैभन्दा बढी मोटरसाइकल चालक रहेका जिल्ला ट्राफीक प्रहरी कार्यालयका प्रमुख प्रहरी निरीक्षक ढुण्डीराज गिरीले जानकारी दिए ।
ट्राफिक प्रहरीले ५ हजार ९ सय २ मोटरसाइकल चालक तथा मादक पदार्थ सेवन गरी सवारीसाधन चलाउने ४ सय ५ जनालाई कारबाही गरेको छ ।
