निजी क्षेत्रको दूरसञ्चार सेवा प्रदायक कम्पनी ‘एनसेल’ को ललितपुरस्थित मुख्यालयसहित देशका विभिन्न स्थानमा अवस्थित टावरहरुमाथि शुक्रबार साँझ भएको विष्फोट र आगजनीको नेतविक्रम चन्द ‘विप्लव’ नेतृत्वको नेपाल कम्युनिस्ट पार्टीले औपचारिक रुपमै जिम्मेवारी लिइसकेको छ ।
उक्त विष्फोट एवं आगजनीलाई ‘कारबाही’ को संज्ञा दिँदै पूर्वमन्त्री रहिसकेका गोपाल किराँतीले त्यसवापत विप्लव नेतृत्वको नेकपामाथि राज्यले ‘दमन’ होइन, ‘पुरस्कृत’ गर्नुपर्ने बताएका छन् । पुनर्गठित नेकपा (माओवादी केन्द्र) का अध्यक्ष किराँतीले सामाजिक सञ्जाल ‘फेसबुक’ मा आइतबार ‘स्ट्याटस’ लेख्दै भनेका छन्– ‘अरबौं कर छली गर्ने र सार्वजनिक सञ्चार सेवा अवरुद्ध पार्ने एनसेलमाथि कार्बाही गर्ने विप्लव नेकपालाई राज्यले पुरस्कृत गर्नुपर्छ नकि दमन । यदि विप्लव नेकपामाथि दमन नै गरिन्छ भने प्रश्न खडा हुन्छ, के खड्ग ओली–प्रचण्ड सरकार एनसेलको राष्ट्रिय अपराधको मतियार हुन् ?’
यस्तो छ नेता किराँतीको ‘स्ट्याटस’–
