इटालीमा बुधबार बिहान गएको शक्तिशाली भूकम्पमा परी ज्यान जानेको संख्या १० पुगेको समाचारमा जनाइएको छ ।
सो भूकम्पका कारण सयौं घर ध्वस्त भएका बताइएको छ । के कतिमात्रामा क्षति पुगेको छ भन्ने बारेमा भने अझैपनि यकिन तथ्यांक आउन सकिरहेको छैन ।
एकबिहानै ६.२ रिक्टरको भूकम्प गएको र भागाभाग भएको बताइएको छ । उद्वारको कार्य जारी नै रहेकोले क्षतिको पूर्ण विवरण आइनै रहेको अधिकारीहरुले जनाएका छन् ।
इटालीका दुर्गम गाउँहरु उम्रिया, मार्के र लाजियोमा यस भूकम्पले बढी क्षति पुर्याएको बताइएको छ ।
भूकम्पको केन्द्रबिन्दू पनि सोही गाउँमा नै रहेको बताइएको छ । जसका कारण सो क्षेत्रमा ठूलो जनधनको क्षतिको अनुमान गरिएको छ ।
इटालीमा सन् २००९ पछिको यो सबैभन्दा शक्तिशाली भूकम्प हो । सन् २००९ मा यहाँ गएको भूकम्पमा परी कम्तीमा पनि ३सय जनाको ज्यान गएको थियो ।
यस पटकको भूकम्पको केन्द्रबिन्दू पनि सोही गाउँमा नै परेको छ । सोही क्षेत्रमा केन्द्रबिन्दू भएर आएकोले बुधबार बिहानको भूकम्पबाट पनि सो गाउँभरि नै त्रास फैलिएको छ ।
यसको उद्वारका लागि ठूलो संख्याका सुरक्षाकर्मी परिचालन गरिएको बताइएको छ । उक्त शक्तशाली भूकम्पपछिका पराकम्पहरुका कारण जनजिवन त्रसित भएको बताइएको छ ।
