दिएँ अञ्जुलीले पानी, बिर्सी सागरको जल,
दिएँ आरती बत्तिको, सुर्यको छवी बिर्सेर,
अनि हराभरा पृथ्वीलाई बिर्सेर,
एउटा बोहतामा पुष्पाञ्जलीसम्म चढाइयो,
तर सद्भक्तिको गोल विश्वभन्दा विशाल छ ।
जल चढाऊँ भने माछाको जुठो
दिप चढाऊँ भने औलाको जुठो
दुध चढाऊँ भने बाछाको जुठो
नैवेद चढाऊँ भने कचौरको जुठो ।
अर्थ चढाऊँ भने अनर्थको जुठो
चन्दन चढाऊँ भने चनौटाको जुठो
मन चढाऊँ भने वासनाको जुठो ।
अक्षता चढाऊँ भने ओखलको जुठो
बुद्धि चढाऊँ भने संसारको जुठो
फुल चढाऊँ भने भमराको जुठो
वस्त्र चढाऊँ भने जुलाहाका जुठो ।
दृश्य बस्तु जुठै जुठो बुद्धि केहि छैन ।
चढाउने श्रद्धा मेरो नभएको हैन
आफुलाई नै चढाउँछु, यहि शुद्ध होला
खुसि हुनुस् आशुतोष शिवशंकर भोला ।
