ती विस्फोटनहरुमा परी १०१ जनाको मृत्यु भएको छ । भने अन्य ३०० जना बढी घाइते भएका छन् ।
यसक्रममा पछिल्लो पटक बिहीबार बेलुका अर्को शक्तिशाली आत्मघाती बम आक्रमण भएको छ ।
पाकिस्तानको सिन्ध प्रान्तस्थित सूफी समाधिस्थलमा गरिएको सो आक्रमणमा परी ७२ जनाको मृत्यु भएको छ । घटनामा अन्य २०० जना घाइते भएका प्रहरी अधिकारीहरुले जनाएका छन् ।
पाकिस्तानको जम्सोरो जिल्लामा पर्ने सेहवान सरहमा अवस्थित सन्तलाल शाहबाज कालन्दरको समाधिस्थलमा आक्रमण भएकाे छ ।
प्रहरी उच्च अधिकारीहरुले युवा आत्मघाती बम आक्रमणकारीहरुले गराएको यो विस्फोट यस बर्षकै सवै भन्दा बढी दु्खदायी भएको बताए ।
उद्धार टोलीका प्रमुख फैसल इदीले घटनामा मृत्यु हुने । ४३ जना पुरुष, २० जना बालबालिका र ९ जना महिला रहेका जानकारी दिए।
केही घाइतेहरुको अवस्था चिन्ताजनक रहेकाले मृतकहरुको संख्या थप बढ्न सक्ने उनले बताए ।
सेहवान र छिमेकी सहरहरुमा सङ्कटकालको घोषणा गरी घाइतेहरुको विभिन्न अस्पतालहरुमा उपचार भईरहेको छ । गम्भिर घाइतेहरुलाई थप उपचारका लागि विमानबाट कराँची लगिएको अधिकारीहरुले जनाए ।
