नयाँ पर्यटकीय गन्तव्य चन्द्रागिरि हिल्समा रामनवमीको अवसरमा चैत २३ गते निःशुल्क कन्सर्ट हुने कम्पनीले जनाएको छ ।
रामलीला शो, स्ट्याण्डअप कमेडीसहित शिव परियारको बेजोड प्रस्तुति रहने उक्त कार्यक्रमको समायोजन तथा व्यवस्थापन दिनेश डी.सी. प्रोडक्सनले गर्नेछ ।
ऐतिहासिक, धार्मिक तथा पर्यटकीय गन्तव्यका रुपमा रहेको चन्द्रागिरि डाँडामा यस कम्पनीले भालेश्वर महादेव मन्दिर, सत्तल, भ्यु टावर, चिल्ड्रेन पार्क र सेमिनार हल लगायतका पूर्वाधार निर्माण गरेको छ ।
भ्यु टावरमा रहेको दुर्विनबाट सगरमाथा लगायत अन्य हिमश्रृंखलाहरुको दृश्यावलोकन गर्न सकिन्छ । चन्द्रागिरि केबलकारको भ्रमणमा जाने सबैलाई उक्त कन्सर्टमा निःशुल्क सहभागिताको सुविधा प्रदान गरिने चन्द्रागिरि हिल्स प्रा.लि. ले जनाएको छ ।
