सिरियाको उत्तर–पश्चिममा अवस्थित इदलिव प्रान्तमा रहेको एउटा हतियार भण्डारण केन्द्रमा आइतबार विस्फोट हुँदा १२ बालबालिकासहित ३९ जनाको मृत्यु भएको सिरिया युद्ध अनुगमन अधिकारीले बताएका छन् ।
विष्फोटबाट भण्डार रहेको भवन पूर्णरूपमा भत्किएको र भग्नावशेषमा थुप्रै मानिस परेको बेलायतस्थित सिरियाली मानवअधिकार अनुगमनकारी निकायले जनाएको छ ।
यो समाचार तयार पार्दासम्म इदलिवको सर्मादा सहरमा भएको विष्फोटको कारण पत्ता लाग्न नसकेको अधिकारीले जनाएका छन् । भग्नावशेष हटाउने क्रम जारी रहेकाले मृतकको सङ्ख्यामा केही वृद्धि हुन सक्ने सम्भावना देखिएको अधिकारीहरूले जनाएका छन् ।
