अमेरिकाको क्यालिफोर्नियास्थित सान डियागोमा रिपब्लिकन पार्टीका तर्फबाट राष्ट्रपतिका उम्मेदवार डोनाल्ड ट्रम्पका समर्थक र विपक्षीहरुबीच झडप भएको छ ।
झडप लगत्तै प्रहरीले शहरको सम्मेलन केन्द्र बाहिर जम्मा हुनु गैरकानुनी घोषणा गरेको छ । ३५ जनालाई पक्राउ गरिएको छ । ट्रम्प भने मेक्सिकन सीमा नजिकको शहरमा छन् ।
उनले आफू राष्ट्रपतिमा विजयी भए गैरकानुनी आप्रवासीलाई रोक्न मेक्सिकोसँगको सीमा पर्खाल लगाउने घोषणा गरेका छन् ।
सान डियागोमा एक तिहाई जनसंख्या ल्याटिनो छन् भने सयौं हजार मानिस कानुनी रुपबाट मेक्सिको प्रवेश गर्ने गर्दछन् । (एजेन्सी)
