‘जनताको जलविद्युत् कार्यक्रम’ अन्तर्गत माथिल्लो त्रिशुली ‘थ्री– बी’ जलविद्युत् आयोजनामा १० हजार कित्ता सेयर माग गर्दै आवेदन फर्म भरेका प्रधानमन्त्री केपी शर्मा ओलीलाई जम्मा २० कित्ता मात्रै सेयर पर्यो ।
सेयरका लागि आवेदन दिँदै प्रधानमन्त्री ओलीले चैत ७ मा ‘जनताको जलविद्युत् कार्यक्रम’ को उदघाटन गरेका थिए । बिहीबार ऊर्जा मन्त्रालयमा आयोजित सेयर बाँडफाँटका क्रममा सेयरका लागि आवेदन दिएकाहरुले न्यूनतम २० कित्ता र अधिकतम ३० कित्ता मात्रै सेयर पाए ।
यसै क्रममा प्रधानमन्त्री ओलीले २० कित्ता सेयर पाए भने प्रधानमन्त्रीपत्नी राधिका शाक्यलाई पनि २० कित्ता मात्रै सेयर मात्रै परेको खबर शुक्रबारको कान्तिपुर दैनिकमा प्रकाशित छ ।
