चितवनका कुखुरापालक किसान, सप्लायर्स तथा बिक्रेताहरुको भेलाले अण्डाको मूल्य प्रतिक्रेटमा ३० रुपैयाँका दरले बढाएको छ । व्यावसायमा घाटा बढ्न थालेको भन्दै उत्पादकबाट मूल्यवृद्धिको माग चर्केको थियो ।
२ सय २० रूपैयाँ प्रतिक्रेट रहँदै आएको ठूलो अण्डाको मूल्य बढाएर २ सय ५० रूपैयाँ पुर्याइएको नेपाल दाना, अण्डा, कुखुरा वितरक संघका अध्यक्ष तेजनारायण पाण्डेले बताए ।
सानो अण्डाको मूल्य पनि केही दिनमा वृद्धि गरिने संघले जनाएको खबर विप्लव काफ्लेको बाइलाइनमा शुक्रबारको कारोबार दैनिकमा प्रकाशित छ ।
