चुनाव आयो घर–गाउँ डुल्दै
नेता करायो दुई हात जोर्दै
गर्दैछ बाचा अति शिष्टताले
भर्दैछ आश्वासन मिष्टताले ।
ल फेरि मीठो सपना सुनायो
संसार सारा गफ चुट्न थाल्यो
जिब्रो चलायो अनि मस्त पार्यो
नेता रमायो कति मस्त छायो ।
भन्दैछ उसले मत देऊ मात्र
मौका मिलेमा अझ लुट्छु देश
सानोतिनोमै कति जात फ्याक्नु
नेता करायो अति जोर–जोर ।
जता रसायो तहीं चाट्न पुग्ने
जम्यो जताको तर आँ उतै पो
सुक्को भनेको भर छैन नेता
नेता करायो ल चुनाव आयो ।
(उपजाति छन्द)
विराटनगर– १, मोरङ
